丝瓜视频

Muqdisho — 26 November 2025 (Arbaco) — Guddiga Waxbarashada ee Jaamacadda Soomaaliya (UNISO) ayaa maanta ku qabtay xarunta jaamacadda kulankoodii bille ahaa, kaas oo uu shir-guddoominayay Guddoomiyaha Jaamacadda, Dr. Hassan Mohamed Sayid. Kulankan muhiimka ah ayaa qayb ka ah dadaallada joogtada ah ee lagu xoojinayo tayada waxbarasho iyo horumarinta adeegyada jaamacaddu u qabato bulshada.

Intii uu kulanku socday, hormuudyada kulliyadaha iyo madaxda waaxyaha kala duwan waxay soo bandhigeen warbixinno dhammaystiran oo ku saabsan:

• Heerka waxbarashada iyo tayada casharrada

• Joogitaanka ardayda iyo macallimiinta

• Habsami u socodka kulamada waxbarasho

• Caqabadaha taagan iyo xalalka degdegga ah ee loo baahan yahay

Guddoomiyaha Jaamacadda, Dr. Hassan Mohamed Sayid, ayaa ku dhiirrigeliyay dhammaan masuuliyiinta in ay sii kordhiyaan dadaalka lagu hormarinayo nidaamka waxbarasho, isaga oo carabka ku adkeeyay muhiimadda ay leedahay in la helo adeeg waxbarasho oo tayo sare leh oo ka jawaaba baahida bulshada.

Guddoomiyuhu wuxuu xusay in 丝瓜视频ay ka go’an tahay:

• In la dhiso jawi waxbarasho oo hufan

• In la horumariyo tayada macallimiinta iyo ardayda

• In si degdeg ah loo xalliyo caqabadaha soo kordha

• In bulshada loo sii dheereeyo adeeg waxbarasho oo la isku halayn karo

Kulanka ayaa ku soo dhammaaday is-afgarad ku wajahan dardargelinta qorshayaasha horumarineed iyo hirgelinta go’aannadii muhiimka ahaa ee laga soo saaray.